Арганізатары адмянілі свята з-за спёкі і забароны на распальванне агню.
У суботу 27 чэрвеня Беларускае танцавальнае таварыства ў Празе і суполка “Пагоня” запрашаюць на сёлетняе святкаванне Купалля. Па традыцыі яно адбудзецца ў лесапаркавым масіве ля вады (Hořejší Rybník).
План святкавання:
19:00 – 20:00 – збор кветак, раслін, пляценне вянкоў, нарыхтоўка дроў для вогнішча;
20:00 – 21:00 – беларускія народныя гульні і танцы пад дуду (прыедзе дудар Мікола Ж.)
ад 21:30 – распальванне купальскага вогнішча, абрадавыя спевы ў карагодзе; гульні і вольная праграма.
З сабой можна прынесці посцілкі для камфортнага сядзення на траве, палаткі для сустрэчы світання, кветкі і галінкі для пляцення вянкоў – іх можна пазбіраць па дарозе ад прыпынку.
Таксама раім карыстацца рэпелентамі супраць кляшчоў!
Тым, хто паедзе на машыне, можна будзе прыпаркавацца ў самым канцы вул. Mezitraťová, за чыгункай.
З грамадскага транспарту лепш за ўсё дабірацца трамваем № 8 ці 16 (начны 94) – прыпынак U Elektry – знаходзіцца прыкладна за 10 хвілін хады ад сажалкі.
У пятніцу ўвечары пройдзе рэпетыцыя абрадавых спеваў і гульняў у Беларускай клюбоўні.
Адну з традыцыйных гульняў падаем тут:
Купальская гульня “Баяры“
Хлопцы: – Цароўна, добры вечар! (усё двойчы)
Дзяўчаты: – Баяры, на здароўе! (двойчы)
– Цароўна, пусці ў горад!
– Баяры, нашто ў горад?
– Цароўна, дзевак сватаць!
– Баяры, дзеўкі малы.
– Цароўна, пераросьлі!
– Баяры, ручнічкоў ня ткалі.
– Цароўна, ўжо ў трубочках!
– Баяры, каторую?